17 марта 2010 г. №34761
Досниязова Нурсулу
Автору блога: Министр юстиции РК
Категории: Правоохранительные органы
Мен, көп балалы ана(11 баланың анасы),алтын алқа иегері,қазіргі таңда зейнеткермін,жасым 70-те. 2006 жылы қолымдағы балам сотталып кеткен болатын. Бөтен балдар үйге келіп ұрынып,біз қанша жерден шырылдап, жүгіргенмен баламды біздің көзімізше ұрып-сабаған болатын. Ашу бойымен балам абайсызда пышақ салып,өлтіріп алған болатын. Бұл оқиға өзіміздің ауламызда болса да, оны қасақана деп қарастырды. Өздігімен мойындап ІІБ-не барса да, оны іздестіру мақсатында ұстап алдық деп қарастырды. Сот ешқандай әділ өткен жоқ. Балам қазіргі таңда Ақтау қаласында жазасын өтеп отыр. Аты-жөні Тоғызбаев Мұхтар. Міне ол жерде отырғанына 4 жыл болады. Жолдасы жұмыссыз, кішкентай 3 баласы бар. Мен - зейнеткер,әкесі де 70-тен кеткен зейнеткерлік жастағы қарт.Жағдайымыз өте қиын. Зейнетақымыз барлығымызға жетпейді. Балам қасыма оралып, әке-шешесін, бала-шағасын бағып, асыраса деген арманым бар. Мына жасқа келіп, мұндай қиыншылықты көру өте қиын. Жаман айтпай жақсы жоқ, біздер көз жұмған уақытта, оның жанұясын кім асырайды? Бала-шағасы қаңғып қалады ғой. Көзіміз тірісінде баламыздың қасымызда болғанын қалаймыз. Өзі де қателігін түсініп, ендігі бұндай іске бармайтындығын айтып, өкінеді. Тәртібі де,денсаулығы да жаман емес. Мына 2010 жылға қарастырылатын рақымшылық жасау шарасына баламды да іліктірсе деп үміттенемін.Рахмет
Ответы (1)
27 марта 2010 г.
Тусупбеков Р.Т.
Қазақстан Республикасы Конституциясының 61-бабына сәйкес заң шығару бастамасы құқығы Республика Президентіне, Парламент депутаттарына, Үкіметке тиесілі және тек қана Мәжілісте жүзеге асырылады.
Конституцияның 54-бабы 1-тармағының 6) тармақшасына сәйкес Парламент палаталардың бөлек отырысында мәселелерді әуелі – Мәжілісте, ал содан кейін Сенатта өз кезегімен қарау арқылы конституциялық заңдар мен заңдар қабылдайды, оның ішінде рақымшылық жасау мәселелерін шешеді.
Қылмыстық кодекстің 76-бабымен ауыр немесе аса ауыр қылмыстар жасаған адамдарға, сондай-ақ қылмыстардың қауiптi немесе аса қауiптi қайталануы жағдайында жаза тағайындалған адамдарға рақымшылық жасау туралы акт қолданылмайтындығы белгіленген
Қазақстан Республикасының «Нормативтiк құқықтық актiлер туралы» Заңының 30-бабына сай барлық заңдар жарияланады. Азаматтардың құқықтарына, бостандықтары мен міндеттеріне қатысты нормативтік құқықтық актілердің ресми жариялануы оларды қолданудың міндетті шарты болып табылады.
Қазіргі уақытта рақымшылық жасау туралы, Қазақстан Республикасының Заңы әлі жарияланбағандығы туралы хабарлаймыз.
